venres, 18 de maio de 2018

SERÁN

Este ano para conmemorar as Letras Galegas, o xoves 16 de maio, organizamos o I Serán das Letras Galegas!

Desde as 10 da mañá, Infantil e Primaria, desfrutamos do concerto de Xoán Curiel; tras un descanso para degustar as sobremesas que aportaron as familias e o profesorado do centro; comezaron as actuacións dos grandes músicos que temos no centro: tanto de alumnado coma de profesorado. Ao remate das cancións dos nosos artistas, comezou o concerto de Xoán Curiel para Secundaria.

Foi unha xornada de homenaxe as Nosas Letras nas que todo o cole desfrutamos da música e cultura galega.

Mirade este día en fotos: pinchando aquí!




venres, 11 de maio de 2018

CARICATURAS DE Mª VICTORIA MORENO

Nestas Letras Galegas, a autora homenaxeada, foi Mª Victoria Moreno (1939-2005), escritora, principalmente de literatura infantil e xuvenil.

Para que todo o alumnado do cole a coñecera un pouquiño máis, démoslle a cada titoría unhas fotografías da homenaxeada, para que cada alumno, fixera unha caricatura da autora.

Este foi o resultado:

Máis fotos deste mural... pinchando aquí!

xoves, 10 de maio de 2018

OBRADOIRO DE DESEÑO DE CHAPAS

Estamos na semana das Letras Galegas: semana na que aínda máis se cabe, temos que presumir e estar máis orgullosos da nosa cultura, lingua, tradicións... e dalas a coñecer ao resto do mundo!

Con tal motivo, este xoves 10 de maio, organizamos nas aulas de Infantil, un obradoiro de deseño de chapas cun lema en galego!

Mirade que artistas temos no noso cole; desde os máis pequenos de Infantil ata os maiores de Secundaria.
Máis fotos deste día... pinchando aquí!

venres, 9 de marzo de 2018

SEMANA DA PRENSA

Durante a primeira semana de marzo (do 5 ao 9 de marzo), conmemórase a Semana da Prensa. 

Dende o Equipo de Dinamización da Lingua Galega, estivemos ollando xornais e noticias en galego, tanto online, como coa nosa subscrición Sermos.

Ademais diso, neste curso, propuxémoslle a todo o alumnado a elaboración do noso xornal dixital; este foi o resultado:


sábado, 24 de febreiro de 2018

ANIVERSARIO NACEMENTO ROSALÍA DE CASTRO

24 de febreiro de 1837: data do nacemento de Rosalía de Castro, unha das nosas poetisas máis recoñecidas e unha figura clave para o Rexurdimento.

Con tal motivo e para dar a coñecer a súa obra, fixemos unha exposición recordando a súa biografía en imaxes, e expuxemos a súa obra cos libros que temos na nosa biblioteca.


xoves, 15 de febreiro de 2018

ESTAMOS NO ENTROIDO


 Xa chegou o Entroido; época de festa, disfraces, larpeiradas... E como non podía ser doutro xeito, no CPI de Mondariz cumprimos con todas as tradicións:
Pulsa aquí para ver la imagen a tamaño completoPulsa aquí para ver la imagen a tamaño completo

Xa chegou o Entroido; época de festa, disfraces, larpeiradas... E como non podía ser doutro xeito, no CPI de Mondariz cumprimos con todas as tradicións:

1. Durante esta semana viñemos ataviados con todo o que nos mandou o meco, desde traer pixama, algo na cabeza... Cumprimos todos os días!

Pulsa aquí para ver la imagen a tamaño completo2. O venres 9 de febreiro, chegou o momento de que cada aula lucise os seus traxes polas rúas de Mondariz. Este ano o tema elexido, foi o Patrimonio; polo que puidemos ver por Mondariz desde os máis pequenos do cole, na prehistoria coa covas de Altamira, ata as obras de Gaudí ou a Muralla de Lugo.

Pulsa aquí para ver la imagen a tamaño completo3. E non podían faltar os doces, as familias do centro, colaboraron traendo sobremesas típicas desta data.

Estaba todo riquísimo!

Moitas grazas a todos por colaborar!

 Para ver máis fotos deste día, visitade a páxina web do noso centro:

 
Ata a seguinte actividade!

mércores, 7 de febreiro de 2018

MENUDOS LARPEIROS...


Tempo de Entroido, é dicir tempo de filloas, orellas...


Como os do CPI de Mondariz, somos uns larpeiriños, quedamos hoxe pola tarde, os máis lambóns,  no comedor  do cole, para que coa axuda do pasteleiro Miguel Aval, facer estas sobremesas típicas do Entroido!


Miguel, comezou explicándonos os ingredientes, cantidades... para que nós puidesemos comezar a amasar para o máis importante: degustar!!

Xa estamos preparados para ser uns grandes pasteleiros!!

Moitas grazas a Miguel por axudarnos!!

Máis fotos deste día



mércores, 31 de xaneiro de 2018

VERBAS POLA PAZ!

Este ano, co gallo do Día da Paz, faremos un mural coas nosas verbas pola paz.

A cada curso asignarémoslle unha letra do alfabeto, con ela deberá escribir e decorar unha palabra en galego relacionada coa paz. 

Este foi o resultado do noso alfabeto polo Paz!

MÁIS FOTOS... PINCHA AQUÍ!

Moitas grazas a todos/-as por participar; o resultado foi chulo!

luns, 15 de xaneiro de 2018

CALENDARIO 2018

XA TEMOS O NOSO CALENDARIO!!!

Tras a numerosa participación, e despois dun amplo debate... o deseño elexido foi o de Naim Codeseda Tielas de 4º ESO.

Moitas grazas a todos por participar!



xoves, 21 de decembro de 2017

GAÑADOR DO CONCURSO DE POSTAIS

O CPI de Mondariz felicitará o Nadal a toda a comunidade educativa coa postal gañadora do alumno Brais Rocha Fernández, de 3 anos B.



BO NADAL A TOD@S!!!







VÉMONOS Á VOLTA!!

QUE LEMOS ESTE NADAL?

Aquí tendes algunhas recomendancións de lecturas en galego para este Nadal, ou para cando vós queirades...

Pinchando nos seguintes enlaces podedes abrir a guía correspondente a vosa idade:

GUÍAS DE LECTURA PARA INFANTIL

GUÍAS DE LECTURA PARA PRIMARIA

GUÍAS DE LECTURA PARA SECUNDARIA

Animádevos a ler!!

venres, 1 de decembro de 2017

FELIZ ANO!

Aproxímase o fin do ano, este curso imos levar a cabo un concurso para deseñar un calendario cun lema e debuxo referente ao noso patrimonio galego!

ANIMÁDEVOS A PARTICIPAR!!



BO NADAL!

Chegou o Nadal... Desde o CPI de Mondariz imos felicitar as festas a toda a Comunidade Educativa.

Para elexir a postal que se vai enviar ás familias, imos organizar un concurso para que todo o alumnado que o desexe  cree a súa postal.

ANÍMATE A PARTICIPAR!!




luns, 13 de novembro de 2017

MAGOSTO

Xa está aquí o Magosto: este ano o 11 de novembro, ímolo festexar como xa é tradición no CPI de Mondariz: con xogos populares, nas distintas etapas!! E tras isto, o máis importante: a degustación de castañas!!


Para ver máis fotos deste día entrade na galería do CPI de Mondariz (Pinchade aquí)

xoves, 9 de novembro de 2017

COCIÑANDO CON CASTAÑAS

É tempo de outono: achégase o Magosto!

Este ano fixemos unha pequena recollida de receitas, na que o ingrediente principal fora a castaña.

Os máis larpeiros non deixedes de botarlle unha ollada ao noso receitario; probar se están ricas e, por suposto, convidar!

RECEITAS CON CASTAÑAS